اسلام آباد (این این آئی)انٹرنیشنل اسلامک ٹریڈ فنانس کارپوریشن پاکستان کو 761.5ملین کی تجارتی فنانسگ دے گا ۔انٹرنیشنل اسلامک ٹریڈ فنانس کارپوریشن اور وزارت اقتصادی امور کے درمیان تجارتی فنانسنگ کے لیے اتفاق ہوگیا ،پاکستان کے لیے یہ فنانسنگ 3 سال کے لیے 4.5 بلین امریکی ڈالر کی فنانسنگ ونڈو کا حصہ ہے،انٹرنیشنل اسلامک ٹریڈ فنانس کارپوریشن کی فنانسگ تیل اور گیس کی درآمد کے لیے استعمال کی جائے گی ،پی پی ایل ، پارکو اور پی ایس او یہ مراحبہ فنانسگ استعمال کریں گی ۔ وفاقی وزیر عمر ایوب نے بتایاکہ مضبوط معاشی بحالی اور زیادہ مانگ کی وجہ سے، فنانسنگ کو 300 ملین سے بڑھا کر 761.5 ملین کیا گیا، وفاقی وزیر عمر ایوب خان نے کہاکہ فنانسنگ سے شرح مبادلہ پر دبائو کم کرنے اور غیر ملکی کرنسی کے ذخائر کو مستحکم کرنے میں بھی مدد ملے گی۔ انہوںنے کہاکہ آئی ٹی ایف سی کی فنانسنگ کی سہولت پاکستان کی مضبوط معاشی بحالی پراعتماد کی عکاسی کرتی ہے۔ دونوں جانب سے 4.5 بلین امریکی ڈالر کی فنانسنگ ونڈو کے بہترین استعمال کے لیے تعاون جاری رکھنے پر اتفاق کیا گیا
