اٹک (این این آئی)وزیراعظم عمران خان نے جمعہ کواٹک میں جدید سہولیات سے لیس زچہ بچہ ہسپتال کا سنگ بنیاد رکھ دیا۔ وزیراعظم آفس کے میڈیا ونگ سے جاری بیان کے مطابق زچہ بچہ ہسپتال سے ضلع اٹک کے 20 لاکھ رہائشیوں بالخصوص خواتین کو معیاری صحت کی سہولیات میسر آئیں گی۔ پنجاب حکومت 200 بستروں پر مشتمل یہ زچہ بچہ ہسپتال کو 2 سال کی مدت میں مکمل کرے گی ۔ مذکورہ منصوبیکی کل لاگت 5.3 ارب روپے ہے جس کے لیے آدھی رقم 2.66 ارب روپے وفاقی حکومت صوبہ پنجاب کو جاری کر چکی ہے۔
