اسلام آباد (این این آئی)وزیراعظم کے معاون خصوصی و سابق وزیراعلیٰ سندھ ڈاکٹر ارباب غلام رحیم نے وزارتِ خارجہ میں پاکستان تحریک انصاف کے وائس چیئرمین و وزیر خارجہ مخدوم شاہ محمود قریشی سے ملاقات کی جس میں دوران ملاقات سندھ کے عوامی مسائل سمیت سیاسی امور پر تفصیلی تبادلہ خیال ہوا۔پاکستان تحریک انصاف کے وائس چیئرمین و وزیر خارجہ مخدوم شاہ محمود قریشی نے سندھ میں پارٹی کو مستحکم بنانے کیلئے، ڈاکٹر ارباب غلام رحیم کی عملی کاوشوں کو سراہتے ہوئے، سندھ میں حالیہ کامیاب جلسوں کے انعقاد پر انہیں مبارکباد دی۔
