اسلام آباد(این این آئی)وفاقی وزیراطلاعات ونشریات فوادچوہدری نے کہا ہے کہ شریف اورزرداری فیملی سیاست میں قصہ پارینہ ہے،اگلے دوسال پاکستان کی تاریخ کے اگلے2عشروں کی سیاست طے کریں گے،اوورسیزپاکستانیوں کے ووٹ کے حق پرپیچھے نہیں ہٹ سکتے یہ ہماراانتخابی وعدہ تھا۔ اپنے بیان میں فوادچوہدری نے اپنے ٹوئٹ میں کہاکہ اب اپوزیشن میں بھی نئے کھلاڑیوں کی باری ہے،اگلے دوسال پاکستان کی تاریخ کے اگلے2عشروں کی سیاست طے کریں گے۔ انہوںنے کہاکہ 1990کی دہائی کی سیاست کا مکمل اختتام اگلے دوسالوں میں طے ہے،شریف اورزرداری فیملی سیاست میں قصہ پارینہ ہے۔فوادچوہدری نے کہا کہ اپوزیشن کوایک بارپھرکہتا ہوں کہ عدالت کے بجائے اسپیکرآفس آئے،اصلاحات کیلئے آپ کی تجاویز کا خیرمقدم کریں گے۔انہوںنے کہاکہ ای وی ایم کے نظام کوپہلے صرف سمجھیں آپ کے تمام خدشات دورکریں گے۔انہوںنے کہاکہ اوورسیزپاکستانیوں کے ووٹ کے حق پرپیچھے نہیں ہٹ سکتے یہ ہماراانتخابی وعدہ تھا۔
