ریاض (این این آئی )سعودی عرب نے ایک مرتبہ پھر صومالیہ کے دارالحکومت موغادیشو میں سفارتخانے کی بحالی کا فیصلہ کیا ہے۔غیرملکی خبررساں ادارے کے مطابق وزارت خارجہ نے ایک بیان میں کہا کہ موغادیشو میں سعودی سفارتخانہ دوبارہ کھول دیا گیا ہے۔وزارت خارجہ کا کہنا تھا کہ صومالیہ کی حکومت نے موغادیشو میں سعودی سفارتخانے کو دوبارہ کھولنے میں بڑی سہولت دی جس پر وہ ستائش کی مستحق ہے،وزارت خارجہ کا کہنا تھا کہ دونوں برادر ملکوں صومالیہ اور سعودی عرب کے تعلقات گہرے ہیں۔وزارت خارجہ کی خواہش ہے کہ دونوں ملک مشترکہ جدوجہد کو آگے بڑھائیں اور دونوں ملکوں اور ان کے برادر عوام کی مزید ترقی وخوشحالی کے لیے نئے افق سر کریں۔
