لاہور( این این آئی)ناموراداکار عمران اشرف نے کہا ہے کہ اداکاری کی بنیادی تربیت تھیٹرسے ہی حاصل ہو سکتی ہے اورجس اداکار نے اسٹیج پر کام کیا ہو اسے ٹی وی اور فلم میںکام کرنے میں کوئی مشکل پیش نہیں آتی ۔ا یک انٹر ویو میں انہوں نے اسٹیج ایک ایسا ادارہ ہے جو کسی بھی اداکار میں اعتماد پیدا کرتا ہے ، اسٹیج پر پرفارم کرتے ہوئے فوری طور پر عوام کا رد عمل مل جاتا ہے اورآپ کو اپنے کام کے حوالے سے اندازہ ہو جاتا ہے کہ آپ کس قدراچھا کام کر رہے ہیں اور لوگ آپ کی اداکاری سے کس قدر متاثر ہیں۔ انہوں نے کہا کہ کراچی میں اسٹیج ڈرامہ بالکل نایاب ہو چکا ہے بالخصوص عمرشریف جب بیمار ہوئے اس کے بعد سے اسٹیج ڈرامہ سرے سے ہی ختم ہو گیا ۔البتہ پنجاب میں ابھی بھی اسٹیج ڈرامہ ہو رہا ہے لیکن اس کا کوئی معیار نہیں ہے ۔
