واشنگٹن(این این آئی )امریکی ریاست وسکانسن کے شہر ملواوکی کے قریب کرسمس پریڈ کے شرکا پر تیز رفتار گاڑی چڑھ دوڑی، واقعے میں تین افراد ہلاک اور 23 زخمی ہو گئے۔میڈیارپورٹس کے مطابق واقعہ ملواوکی شہر کے قریب واکیشا ٹاون میں پیش آیا، حکام کے مطابق واقعے میں 12 بچے بھی زخمی ہوئے جنہیں اسپتال منتقل کر دیا گیا ۔حکام کا کہنا تھا کہ لواحقین کو آگاہ کرنے کے بعد میڈیا کو معلومات فراہم کی جائیں گی۔ذرائع کا بتانا ہے کہ سرخ رنگ کی ایس یو وی گاڑی کو تحویل میں لے لیا گیا ہے جبکہ ڈرائیور کو گرفتار کر کے تفتیش کی جارہی ہے۔حکام کا کہنا تھا کہ واقعہ کیسے پیش آیا؟ اس کی تمام پہلووں سے تحقیقات جاری ہے ۔
