لاہور( این این آئی)سینئر اداکار نعمان اعجازکے صاحبزادے زاویار اعجاز نے کہا ہے کہ جس طرح والد کا نام اورمقام ہے اس پر فخرہے ،اپنے والد سے اداکاری کے رموز سیکھنے کی کوشش کرتا ہوں لیکن ان جیسا اداکار نہیں بن سکتا ۔ ایک انٹرویو میں زاویار اعجازنے کہاکہ کسی ڈرامہ سیریل میں والد کے ساتھ کام کرنا جہاں اطمینان کا باعث ہوتا ہے وہیں ڈر بھی لگتا ہے کہ مجھ سے کام میںکوئی کوتاہی نہ ہو جائے ۔والد بطور سینئر اداکار خامیوں کی نشاندہی کرتے ہیں اور میںبھی ایک با ادب شاگرد کی طرح ان سے اداکاری کے رموز سیکھنے کی کوشش کرتا ہوں۔ انہوں نے کہا کہ والد کو جس طرح عزت و احترام ملتا ہے اس پر فخراو رخوشی بھی ہوتی ہے اور کوشش ہوتی ہے کہ میں ان کی طرح نام اورمقام پیدا کروں لیکن اس کیلئے کئی دہائیاں درکار ہیں۔انہوںنے کہا کہ ڈرامہ سیریل ”سنگ ماہ ” میں سینئر اداکاروں سے بہت کچھ سیکھنے کا موقع ملاہے اور مجھے امید ہے کہ اس پراجیکٹ میں میرے کردار کو پسند کیا جائے گا ۔
