اسلام آباد (این این آئی)وفاقی وزیر اطلاعات چوہدری فواد حسین نے ڈان نیوز کے سابق ایڈیٹر و سینئر صحافی ضیاء الدین کے انتقال پر اظہار افسوس۔ اپنے بیان میں وزیر اطلاعات نے کہاکہ ضیاء الدین کے انتقال کی خبر سن کر دلی صدمہ ہوا، مرحوم ایک باصلاحیت اور آزاد صحافی تھے، ان کی شخصیت میں دیانت اور دلیری شامل تھی۔ وفاقی وزیر نے کہاکہ مرحوم کی شعبہ صحافت میں خدمات ہمیشہ یاد رکھی جائیں گی، دعا ہے کہ اللہ تعالیٰ مرحوم کو اپنے جوار رحمت میں جگہ اور لواحقین کو صبر جمیل عطا فرمائے۔ (آمین)۔
