لاہور(ا ین این آئی) طیاروں کی کمی اور آپریشنل وجوہات کے باعث علامہ اقبال انٹرنیشنل ایئرپورٹ پر 9 پروازیں منسوخ جبکہ متعدد تاخیر کاشکار ہوئیں ۔ علامہ اقبال انٹرنیشنل ایئرپورٹ کی فلائٹ انکوائری کے مطابق منسوخ کی گئی پروازوں میں پی آئی اے کی لاہور سے مسقط جانے والی پرواز 229،سیرین ایئر لائن کی لاہور سے راسلخیمہ جانے والی پرواز 5725،سیرین ایئر لائن کی لاہور سے کراچی دو طرفہ پرواز 525/524،ایئر بلیو کی لاہور سے کراچی دو طرفہ پرواز 407/408،پی آئی اے کی لاہور سے شارجہ جانے والی پرواز 185 اور پی آئی اے کی لاہور سے کراچی دو طرفہ پرواز 307/306 شامل ہے جبکہ متعدد پروازیں تاخیر کاشکارہوئیں جس سے مسافروں کوشدید مشکلا ت کاسامنا کرنا پڑا ۔
