اسلام آباد (این این آئی)پاکستان مسلم لیگ (ن) کے صدر اور قائد حزب اختلاف شہباز شریف نے145 ویں یوم ولادت قائداعظم پربابائے قوم کو زبردست خراج عقیدت پیش کرتے ہوئے کہا ہے کہ قائداعظم قول کے سچے، دْھن کے پکے، کردار کے کھرے اور باعمل راہبر تھے،قائداعظم راست گو اور راست باز انسان تھے، ہمیشہ سیدھے راستے پر ہی چلے ،قیام پاکستان کے مقاصد کو پورا کرنے کے لئے پاکستان کو معاشی طورپر مضبوط بنانا ہوگا ،معاشی خودمختاری کے بغیر قیام پاکستان کے مقاصد بھی پورے نہیں ہوسکتے ،پاکستان معاشی طورپر خود مختار نہیں ہوگا تو دوقومی نظریہ کے مقاصد بھی ادھورے رہیں گے ۔ اپنے بیان میں انہوںنے کہاکہ بابائے قوم کے یوم ولادت پر پوری قوم انہیں خراج عقیدت پیش کرتی ہے، ان کے درجات کی بلندی کے لئے دعا کرتی ہے ۔ انہوںنے کہاکہ قائداعظم قول کے سچے، دْھن کے پکے، کردار کے کھرے اور باعمل راہبر تھے،قائداعظم راست گو اور راست باز انسان تھے، ہمیشہ سیدھے راستے پر ہی چلے ۔ انہوںنے کہاکہ قائداعظم محمد علی جناح نے تاریخ کا دھارا موڑ دیا، ان کا کہا آج حرف بہ حرف سچ ثابت ہورہا ہے،تاریخ نے ثابت کیا کہ قائداعظم محمد علی جناح کی سیاسی جدوجہد سچائی اور اصولوں پر مبنی تھی ۔ انہوںنے کہاکہ قائداعظم محمد علی جناح نے برصغیر کے مسلمانوں کے الگ وطن کے خواب کو سچ کردکھایا
