ریاض(این این آئی)ٹویٹر پلیٹ فارم پر جعلی اکائونٹس کے ذریعے بیرونی تنظیمی نیٹ ورکس کے ذریعے سعودی معاشرے میں غنڈہ گردی کرنے والی 3000 سے زیادہ اکائونٹس سامنے آئے ہیں۔میڈیارپورٹس کے مطابق سعودی عرب کی جنرل اتھارٹی برائے تفریح کے زیراہتمام ہونے ولا یہ ایونٹ مملکت کے موسمی حالات کی وجہ سے ملتوی کر دیا گیا۔ تکنیکی ماہر عبدالرحمن الحمیدہ آل ابو علیان نے بتایا کہ زیادہ تر جعلی اکائونٹس فوجی تنازعات کا سامنا کرنے والے کچھ ممالک کی جانب سے جاری کیے گئے تھے اور کچھ غیر ملکی دہشت گرد تنظیموں کی جانب سے تھے۔انہوں نے نشاندہی کی کہ تنظیموں کے عناصر سے تعلق رکھنے والے 7,000 سے زیادہ جعلی اکائونٹس نے ہیش ٹیگ کے ساتھ بات چیت کی ان میں سے 15,000 سے زیادہ کو لائیک کیا اور سوشل نیٹ ورکنگ سائٹس پر دوسرے پلیٹ فارمز کے ساتھ ایک لاکھ 74 ہزار نے شیئر کیا۔انہوں نے زور دے کر کہا کہ ان تنظیموں کے اندر ایسی ایجنسیاں موجود ہیں جو ایک ایجنڈے پر کام کر رہی ہیں جس کا مقصد معاشرے اور ملک کوغیر مستحکم کرنے کے لیے سعودی شناخت کو متاثر کرنا ہے۔
