اسلام آباد (این این آئی)وزارت خزانہ کے ترجمان مزمل اسلم نے منی بجٹ میں پیٹرول کی قیمت بڑھانے سے متعلق خبروں کی تردید کرتے ہوئے کہاہے کہ منی بجٹ میں پیٹرول کی قیمت بڑھانے کی کوئی ترمیم نہیں۔ ایک انٹرویومیں مزمل اسلم نے کہا کہ منی بجٹ میں پیٹرول کی قیمت بڑھانے کی کوئی ترمیم نہیں کیونکہ پیٹرولیم مصنوعات کی قیمتوں کا تعلق عالمی مارکیٹ سے ہے۔ مزمل اسلم نے اعتراف کیا کہ پیٹرول کی قیمت بڑھنے سے مہنگائی بڑھتی ہے۔ترجمان نے کہا کہ پاکستان میں قوت خریدبڑھ رہی ہے اور گروتھ بڑھ رہی ہے جب کہ اپوزیشن ملک کوغیر مستحکم کرناچاہتی ہے۔
