اسلام اباد (این این آئی)نیشنل کمانڈ اینڈ آپریشن سینٹر (این سی او سی) نے مساجد اور عبادت گاہوں میں کورونا ایس او پیز پر عملدرآمد یقینی بنانے کیلئے مراسلہ جاری کردیا۔این سی او سی کی جانب سے جاری مراسلے میں کہا گیا کہ کورونا صورتحال کا متواتر جائزہ لیا جا رہا ہے، ایسے میں مناسب صورتحال مدنظر رکھ کرعبادت گاہوں سے متعلق ایس او پیزپر نظر ثانی ہوگی۔مراسلے میں کہا گیا کہ وزارت مذہبی امور مساجد میں کورونا ایس او پیز پر عملدرآمد یقینی بنائے اور علمائے کرام مساجد میں کورونا ایس او پیز پر عملدرآمد میں تعاون کریں۔ این سی او سی نے کہا کہ وزارت مذہبی امور ویکسی نیشن سے متعلق آگاہی کیلئے بھی علماء کی خدمات حاصل کرے۔
