اسلام آباد (این این آئی)ابوظہبی کے ولی عہد شیخ محمد بن زید نے وزیراعظم عمران خان کوفون کرکے لاہورمیں دہشتگرد حملے کی مذمت کی ہے وزیراعظم ہاؤس سے جاری اعلامیے کے مطابق ابوظہبی کے ولی عہد شیخ محمد بن زید نے وزیراعظم عمران خان کوفون میں لاہورمیں 20 جنوری کو ہونے والے دہشتگرد حملے کی مذمت کی۔شیخ محمد بن زید نے متاثرین کے اہلخانہ سے تعزیت کا اظہارکیا اورزخمیوں کی جلد صحتیابی کے لئے دعا کی۔ انہوں نے پاکستان کی قیادت، حکومت اورعوام کے ساتھ اظہاریکجہتی بھی کیا۔وزیراعظم عمران خان نے تعزیت اورحمایت پرابوظہبی کے ولی عہد کا شکریہ ادا کیا۔ وزیراعظم کا کہنا تھا کہ دہشت گرد حملوں کے مرتکب افراد کو انصاف کے کٹہرے میں لایا جائے گا۔وزیراعظم نے کہاکہ دونوں ممالک کی قیادت کے درمیان متواتراورخوشگواربات چیت برادرانہ تعلقات کی علامت ہے۔انہوں نے نے دونوں ممالک کے دوطرفہ تعلقات مزید مضبوط بنانے، علاقائی اورعالمی امورپرقریبی روابط جاری رکھنے کی خواہش کا اظہاربھی کیا۔
