اسلام آباد (این این آئی) وفاقی وزیر مواصلا ت مراد سعید نے کہاہے کہ کراچی ، کوئٹہ ، چمن شاہراہ کو قاتل شاہراہ کہا جاتا ہے ، تین دہائیوں پر سڑک پر کوئی توجہ نہیں دی جاتی ،شاہراہ کا ٹینڈر ہوچکا کنٹریکٹ ایوارڈ ہوچکا، وزیر اعظم عمران خان آئندہ ماہ باضابطہ افتتاح کرینگے۔کراچی کوئٹہ، چمن ہائی میں ٹریفک حادثات میں اضافے سے متعلق توجہ دلاو نوٹس سینیٹ میں سینیٹر دنیش کمار نے کیا اور کہاکہ بلوچستان کی یہ شاہراہ دہشتگرد شاہراہ ہے۔ انہوںنے کہاکہ میں بھی اسی شاہراہ کا متاثرہ ہوں 54 ٹانکے میرے سر پر لگے، اس خونی شاہراہ پرکئی لوگ لقمہ اجل بنے، کئی گھر اجڑے۔ انہوںنے کہاکہ سب حکومتوں نے اس شاہراہ کی تعمیر کے وعدے کیے مگر کوئی کام نہیں ہوا،بجٹ میں رقوم صرف فزیبلٹی کیلئے رکھی جاتی ہے۔ سینیٹر دینش کمار نے کہاکہ اس شاہراہ کو ڈبل کیا جائے۔ وزیر مواصلات مراد سعید نے توجہ دلائو نوٹس پر جواب دیتے ہوئے کہاکہ کراچی کوئٹہ چمن کی اس شاہراہ کو قاتل سڑک کہا جاتاہے، تین دہائیوں سے اس سڑک پر کوئی توجہ نہیں دی گئی۔ وفاقی وزیر نے کہاکہ 796 کلو میٹر کی شاہراہ ہے اگلے مہینے اس کا افتتاح ہے،330 کلو میٹر کے سیکشن پر کام شروع کرنے جا رہے۔ وفاقی وزیر نے کہاکہ شاہراہ کا ٹینڈر ہوچکا کنٹریکٹ ایوارڈ ہوچکا، وزیر اعظم عمران خان آئندہ ماہ اس کا باضابطہ افتتاح کرینگے۔ مراد سعید نے کہاکہ گزشتہ حکومت 2ہزار کلو میٹر شاہراہوں کی منصوبہ بندی کی تھی،موجودہ حکومت نے بلوچستان میں 3ہزار کلومیٹر جبکہ پورے ملک میں8ہزار کی منصوبہ بندی کی ہے۔
مقبول خبریں
پاکستان عالمی ملیریا پروگرام کے تحت نئے اقدامات پر عمل درآمد کیلئے پرعزم ہے،...
اسلام آباد (این این آئی)صدر مملکت آصف علی زرداری نے ملیریا پر قابو پانے کیلئے تمام سٹیک ہولڈرز کو اجتماعی کوششیں کرنے کی ضرورت...
ملیریا پرقابو پانے کیلئے مشترکہ کوششوں کی ضرورت ہے،چیئر مین سینٹ
اسلام آباد(این این آئی)چیئرمین سینیٹ سید یوسف رضا گیلانی نے کہا ہے کہ ملیریا پرقابو پانے کیلئے مشترکہ کوششوں کی ضرورت ہے،ملیریا کے خاتمے...
دو لاکھ میٹرک ٹن یوریا کھاد کی فوری درآمد کا معاملہ ای سی سی...
اسلام اباد(این این آئی)وفاقی وزیر صنعت وپیداوار رانا تنویر حسین نے ہدایت کی ہے کہ کھاد کی قلت سے بچنے کیلئے2 لاکھ میٹرک ٹن...
پاکستان کی بہترین جامعات کو مانیٹرنگ کے موثر نظام کے ذریعے عالمی معیار...
اسلام آباد(این این آئی)وفاقی وزیر برائے منصوبہ بندی ،ترقی و اصلاحات احسن اقبال نے کہا ہے کہ پاکستان مانیٹرنگ کے موثر اور جامع نظام...
اسلام آباد ہائیکورٹ نے نان، روٹی کی قیمتوں میں کمی کا نوٹیفکیشن معطل کردیا
اسلام آباد (این این آئی)اسلام آباد ہائی کورٹ نے وفاقی دارالحکومت میں نان، روٹی کی قیمتوں میں کمی کا نوٹیفکیشن 6 مئی تک...