اسلام آباد (این این آئی)پبلک پرائیویٹ پارٹنرشپ اتھارٹی بورڈ نے کراچی سرکلر ریلوے منصوبے کے ٹرانزکشن سٹرکچر کی منظوری دیدی۔وفاقی وزیر منصوبہ بندی اسد عمر کی زیر صدارت پبلک پرائیویٹ پارٹنرشپ اتھارٹی بورڈ کا اجلاس ہوا جس میں ڈپٹی چیئرمین پلاننگ کمیشن ڈاکٹر محمد جہانزیب خان، وائس چیئرمین پی تھری اے بورڈ، سیکرٹری خزانہ، سیکرٹری پلاننگ نے شرکت کی ،سیکرٹری ریلوے، ممبر پرائیویٹ سیکٹر ڈویلپمنٹ، اوردیگر اعلی حکام بھی اجلاس کے شرکاء میں شامل تھے۔بورڈ نے کراچی سرکلر ریلوے پروجیکٹ سے متعلق پہلوئوں کے اہم اعدادوشمار اور اجزاء کا جائزہ لیا۔ جاری اعلامیہ کے مطابق سرمایہ کاروں کی دلچسپی اور منصوبے کی کامیابی کے امکانات بڑھانے کے لئے نجی شعبے کو کم از کم ریونیو گارنٹی دی جائے گی، کرائے اور دیگر ذرائع سے آمدن کے لئے سرکلر ریل اسٹیشنوں پر کمرشل امور شروع کرنے کا حق بھی دیا جائے گا۔ اعلامیہ کے مطابق منصوبے کا مقصد کراچی کے میٹروپولیٹن سٹی کو قابل اعتماد، محفوظ اور ماحول دوست پبلک ٹرانسپورٹ فراہم کرنا ہے۔ اعلامیہ کے مطابق پروجیکٹ میں 43 کلومیٹر کے ڈوئل ٹریک اربن ریل ماس ٹرانزٹ سسٹم کی 3 سال میں تعمیر شامل ہے، منصوبے سے ساڑھے 4 لاکھ یومیہ مسافروں کو سفری سہولیات میسر آئیں گی۔ اعلامیہ کے مطابق منصوبے کی 33 سالہ رعایتی مدت کے اختتام تک مسافروں کی 1 ملین یومیہ آمدورفت متوقع ہے، یہ پروجیکٹ الیکٹرک ٹرینوں کا استعمال کرکے گا ہفتے میں 7 دن اور دن میں 17 گھنٹے کام کرے گا۔ اعلامیہ کے مطابق پروجیکٹ میں شہر کے گنجان آباد علاقوں کو کوریڈور کے ساتھ ساتھ 30 اسٹیشنوں کی تعمیر شامل ہے۔وفاقی وزیر اسد نے کہاکہ یہ پراجیکٹ کراچی ٹرانسفارمیشن پلان کا اہم جزو ہے، یہ منصوبہ ماحولیاتی تحفظ، حادثات اور وقت کی بچت اور صنفی مساوات کو فروغ دینے میں اہم کردار ادا کرے گا
مقبول خبریں
ہمیں ملیریا کی روک تھام بارے میں آگہی اور باہمی تعاون سے کام کرنے...
اسلام آباد(این این آئی)وزیراعظم شہباز شریف نے کہا ہے کہ ہمیں صحت کی دیکھ بھال کے نظام کو مضبوط بنانے، معیاری تشخیص اور علاج...
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار...
اسلام آباد(این این آئی)سپیکر قومی اسمبلی سردار ایاز صادق نے موسم بہار کی شجر کاری مہم کی مناسبت سے پارلیمنٹ ہائوس کے سبزہ...
نواز شریف کی چین میں صحابی رسول ۖ حضرت سعد بن ابی وقاص رضی...
بیجنگ(این این آئی)چین کے پانچ روزہ دورے پر موجود سابق وزیراعظم اور پاکستان مسلم لیگ (ن)کے قائد نواز شریف نے صحابی رسول ۖ حضرت...
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں...
ایبٹ آباد(این این آئی)وزیراعظم شہباز شریف نے کہاہے کہ صوبائی حکومتوں کے ساتھ مل کر اسمگلنگ کا خاتمہ ضروری ہے،اسمگلنگ کیخلاف کسی بھی کارروائی...
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد...
ایبٹ آباد(این این آئی)وزیر اعظم شہباز شریف ایبٹ آباد میں شہید کسٹمز انسپکٹر سید حسنین علی ترمذی کی رہائش پر گئے اور شہید کے...