اسلام آباد(این این آئی)وفاقی وزیر اطلاعات و نشریات چوہدری فواد حسین نے کہا ہے کہ میاں نواز شریف کے پیسے لندن میں اور سیاست پاکستان میں ہے۔ بدھ کو اپنے ٹوئٹ میں انہوں نے سابق سپیکر قومی اسمبلی ایاز صادق کی تصویر کے ساتھ ان کا ایک بیان شیئر کیا ہے جس میں ایاز صادق نے کہا تھا کہ ”میاں صاحب کا جسم لندن میں اور روح پاکستان میں ہے ”۔ وفاقی وزیر نے کہا کہ اصل صورتحال یہ ہے کہ میاں نواز شریف کے پیسے لندن میں اور سیاست پاکستان میں ہے، اکائونٹ چپڑاسیوں کے اور بیٹے انگلستان میں ہیں، اپارٹمنٹس لندن میں اور بیٹی کے نام پر ہیں۔
