بغداد(این این آئی)عراق کے شہر بصرہ میں مظاہرین اور پولیس کے درمیان تصادم کے نتیجے میں متعدد مظاہرین اور سیکیورٹی اہلکار زخمی ہو گئے۔عرب ٹی وی کے مطابق یہ واقعہ اندلس اسکوائر میں دھرنا منتشر کرنے کی کوشش کے دوران پیش آیا۔ پولیس نے حکومت کے خلاف دھرنا دینے والیمظاہرین پر دھاوا بول دیا جس پر مظاہرین نے بھی پولیس پر سنگ باری کی۔سماجی کارکنوں کے مطابق انسداد ہنگامہ آرائی پولیس نے رات گئے وسطی بصرہ میںالبحریہ اسکوائر کو مظاہرین سے خالی کراتے ہوئے وہاں پر موجود دھرنا منتشر کر دیا ہے۔ حکام کا کہنا تھا کہ مظاہرین کے دھرنے کی وجہ سے بند کی گئی شاہراہ کو بھی کھول دیا گیا ہے۔بصرہ میں پولیس کی جانب سے اسکوائر خالی کرانے کی کارروائی سے چند گھںٹے قبل سیکیورٹی فورسز نے بغداد کے وسط میں البحریہ اسکوائر کا دھرنا ختم کرایا۔عراقی آپریشنز کمانڈ کی طرف سے جاری کردی ایک بیان میں کہا گیا کہ التحریر اسکوائر وسطی بغداد میں الجمہوریہ پل کو مظاہرین کے قبضے سے چھڑا کر انہیں ٹریفک کے لیے کھول دیا گیا ہے۔
