اسلام آباد (این این آئی)امریکہ کی جانب سے پاکستان کو فائزر ویکسین کی سینتالیس لاکھ مزید خوراکیں فراہم کر دی گئیں ۔ پیر کو اضافی خوراکوں کی فراہمی سے پاکستان کو امریکہ کی جانب سے مہیا کی جانے والی ویکیسن خوراکوں کی مجموعی تعداد چار کروڑ چوہتر لاکھ ہو گئی، فائزر ویکسین کرونا وائرس کی کسی بھی قسم کے خلاف موثر ہے، کورونا وائرس کے خلاف باہمی اشتراک کے تحت امریکہ اب تک پاکستان کو تقریبا” سات کروڑ ڈالر کی امداد بھی فراہم کر چکا ہے،امریکہ کوویکس کے تحت ویکسین کی فراہمی کا سب سے بڑا حصہ دار ہے، اب تک امریکہ دنیا کے ایک سو دس ممالک کو کورنا وائرس کیخلاف محفوظ اور موثر ویکسین کی چالیس کروڑ سے زائد خوراکیں فراہم کر چکا ہے۔
