لاہور( این این آئی)وزیر اعظم کے مشیر برائے احتساب بریگیڈئیر (ر) مصدق عباسی نے وفاقی تحقیقاتی ایجنسی ( ایف آئی اے) کے لاہور میں واقع ریجنل ہیڈ کوارٹرکا دورہ کیا ۔ ذرائع کے مطابق مشیر احتساب بریگیڈئیر (ر) مصدق عباسی کو ایف آئی اے میں زیر تفتیش ہائی پروفائل سمیت مجموعی طو رپر تمام کیسز کے حوالے سے تفصیلی بریفنگ دی گئی ۔ مشیر احتساب کو عدالتوں میں زیر سماعت مختلف کیسز کے حوالے سے بھی بریفنگ دی گئی ۔ مصدق عباسی نے ایف آئی اے افسران کو ہدایات دیں کہ تمام کیسز کو بغیر کسی دبائو کے جلد سے جلد مکمل کر کے انہیں منطقی انجام تک پہنچایاجائے۔
