بیجنگ(این این آئی)وزیراعظم عمران خان نے چائنہ انرجی اینڈ انجینئرنگ کارپوریشن کے چیئرمین ڈاکٹر سونگ ہائیلینگ اور چیئرمین پاور چائنا ڈاکٹر ڈنگ ژانشنگ سے آن لائن ملاقات کی جس میں پاکستان کے توانائی کے شعبے بشمول قابل تجدید توانائی اور آبپاشی کے انفراسٹرکچر کی بہتری کیلئے سرمایہ کاری بڑھانے کے بارے میں تبادلہ خیال کیاگ یا ۔ وزیر خارجہ مخدوم شاہ محمود قریشی، وزیر خزانہ شوکت فیاض ترین، وزیر اطلاعات چوہدری فواد حسین، وزیر منصوبہ بندی اسد عمر، مشیر تجارت عبدالرزاق داؤد،معاونِ خصوصی سی پیک خالد منصور، قومی سلامتی کے مشیر ڈاکٹر معید یوسف اور متعلقہ سینئر حکام اجلاس میں شریک ہوئے۔
