اسلام آباد (این این آئی)انٹرنیشنل لیبر آرگنائزیشن (ILO) کے ڈائریکٹر جنرل کے عہدے کیلئے جمہوریہ کوریا کی امیدوار محترمہ کانگ کیونگ وانے وزارتِ خارجہ میں وزیر خارجہ مخدوم شاہ محمود قریشی سے ملاقات کی جس میں مختلف امورپر تبادلہ خیال کیا گیا ۔ شاہ محمود قریشی نے کہاکہ بہترین سفارت کار، سابق وزیر خارجہ اور سیاستدان ہونے کے ناطے ، آپ کا تجربہ متاثر کن ہے۔ انہوںنے کہاکہ ایشیا پیسیفک ریجن سے تعلق رکھنے والی تجربہ کار خاتون امیدوار کے طور پر، آپ ILO کی قیادت کے لیے مضبوط امیدوار ہیں۔انہوںنے کہاکہ جنیوا میں عوامی سماعت (جنوری 2022) میں آپ کا نقطہ نظر اور ترجیحات کا اظہار قابل ستائش ہے۔ انہوںنے کہاکہ کرونا وبائی مرض نے دنیا کی معیشت کو بری طرح متاثر کیا ہے، ملازمین ، کارکنان اور آجر اس وبائی مرض سے یکساں طور پر متاثر ہوئے۔ انہوںنے کہاکہ مناسب ترقیاتی فنانسنگ، اور ویکسین ایکویٹی، معاشی بحالی کیلئے معاون ثابت ہوگی۔انہوںنے کہاکہ پاکستان، ILO گورننگ باڈی کے رکن کے طور پر، ان اہم عالمی ترجیحات کے لیے اپنی حمایت جاری رکھے گا۔انہوںنے کہاکہ ہم اگلے ڈائریکٹر جنرل ILO سے، ترقیاتی فنانسنگ، قرض سے نجات، ویکسین ایکویٹی، اور منصفانہ عالمی مالیاتی ڈھانچے کے قیام، سماجی اور اقتصادی عدم مساوات کا مقابلہ کرنے کے لیے اپنا موثر کردار ادا کرنے کی توقع رکھتے ہیں ۔ انہوںنے کہاکہ انٹرنیشنل لیبر آرگنائزیشن (ILO) کے ڈائریکٹر جنرل کے عہدے کے لیے جمہوریہ کوریا کی امیدوار محترمہ کانگ کیونگ وا نے توصیفی جملوں پر وزیر خارجہ مخدوم شاہ محمود قریشی کا شکریہ ادا کیا۔
مقبول خبریں
عمران خان نے اسٹیبلشمنٹ سے بات کا کسی کو کوئی ٹاسک نہیں دیا’ شیخ...
اسلام آباد(این این آئی)پی ٹی آئی کے مرکزی سیکریٹری اطلاعات شیخ وقاص اکرم نے کہا ہے کہ بانی پی ٹی آئی عمران خان نے...
پاکستان اسٹاک ایکسچینج میں ملا جلا رجحان، 38 پوائنٹس کا اضافہ
کراچی (این این آئی)پاکستان اسٹاک ایکسچینج میں عید کی چھٹیوں کے بعد جمعرات کوتعطیلات کے بعد پہلے کاروباری دن ملا جلا رجحان دکھائی دے...
حماد اظہر نے پی ٹی آئی میں تمام عہدوں سے استعفیٰ دے دیا
لاہور(این این آئی)پاکستان تحریک انصاف پنجاب کے سیکریٹری جنرل اور قائم مقام صدر حماد اظہر نے پارٹی عہدے سے استعفیٰ دے دیا۔ حماد...
آئی ایم ایف ٹیم بجٹ کی تیاری کیلئے آج سے پاکستان کا دورہ کریگی
اسلام آباد(این این آئی) آئی ایم ایف کی ٹیم آئندہ مالی سال کے بجٹ کی تیاری کے سلسلے میں کل 4 اپریل سے پاکستان...
ممتاز صحافی، میڈیا ایڈوائزر اور سوشل ورکر سید مدثر خوشنود کی صحافتی اور سماجی...
دبئی(این این آئی) متحدہ عرب امارات کے معروف تجارتی ادارے این ایف ایل گروپ کی جانب سے ممتاز صحافی، میڈیا ایڈوائزر اور سوشل ورکر...