اسلام آباد (این این آئی) پاکستان پیپلزپارٹی نے حکومت سے بجلی کی قیمتوں میں مزید اضافے کا فیصلہ واپس لینے کا مطالبہ کیا ہے ۔ اپنے بیان میں سلیم مانڈی والا نے کہاکہ حکومت نے بجلی کی قیمتوں میں 2 روپے 80 پیسے فی یونٹ مزید اضافے کا فیصلہ کیا ہے۔ انہوںنے کہاکہ حکومت نے اضافہ کیا تو عوام پر 292 ارب روپے کا بوجھ پڑے گا۔ انہوںنے کہاکہ عوام پہلے ہی غربت سے تنگ ہے مزید بوجھ برداشت نہیں ہوگا، حکومت اپنی نااہلی کا ملبہ غریب عوام پر نہ ڈالے۔ انہوںنے کہاکہ حکومت بجلی کی قیمتوں میں اضافے کا فیصلہ واپس لے۔
