لاہور( این این آئی) سینئر اداکارہ صبا فیصل نے کہا ہے کہ اس وقت میں اپنے کیرئیر کے بہترین دور گزر رہی ہوں ، گزشتہ دو سالوں سے ڈرامہ سیریلز اور ٹی وی کمرشلز میں بھرپور مصروفیت ہے ۔ایک انٹرویو میں انہوں نے کہا کہ میں سمجھتی ہوں کہ میری خوش بختی ہے کہ میں اس وقت مصروف ترین اداکاروں کی فہرست میں شامل ہوں اور میری کوشش ہے کہ میرے کرداروں میں یکسانیت نہ ہو ۔انہوں نے کہا کہ ہر فنکار کی یہ کوشش ہوتی ہے کہ وہ بہترین کام کرے اور شوبز میں اتنے سال گزارنے کے باوجودمیں بھی آج تک اسی کے لئے کوشاں ہوں ۔
