لاہور( این این آئی)نامورگلوکار عارف لوہار نے کہا ہے کہ دنیا میں ملکوںکی شناخت ان کی ثقافت سے ہوتی ہے ، میں نے پاکستانی ثقافت کو پروموٹ کرنے کے لئے جس قدر بھی ممکن ہو سکا ہے کاوشیں کی ہیں اور جب تک سانسیں باقی ہیں یہ سلسلہ جاری رہے گا۔ خصوصی گفتگو کرتے ہوئے عارف لوہار نے کہا کہ اب میرے صاحبزاد ے بھی میرے خاندان کی میراث کو لے کر آگے بڑھ رہے ہیں اور مجھے اس پر فخر ہے ۔ انہوں نے کہا کہ میرے بچوں کا عزم ہے کہ ہم اپنے کام میں جدت ضرور لائیں گے لیکن اپنے باپ دادا کے فن کو ہی آگے لے کربڑھیں گے۔
