اسلام آباد (این این آئی) پاکستان مسلم لیگ (ن) کے سینیٹر عرفان صدیقی نے ایک بار پھر کرناٹک کے ایک حراستی مرکز میں قید پاکستانی لڑکی سمیرا اور اس کی چارسالہ بچی کا مسئلہ سینیٹ میں اٹھا دیا اور کہا ہے کہ میں نے 14فروری کو ایشو ایوان میں اٹھایا تھا۔ آج پانچ دن ہو گئے تاہم وزارت خارجہ یا حکومت کی طرف سے سمیرا کے بارے میں ایک لفظ بھی نہیں کہا گیا۔ چیئرمین سینیٹ صادق سنجرانی نے اْس وقت عرفان صدیقی کا نام پکار کے کہا کہ وہ ایک اہم مسئلے پر بات کرنا چاہتے تھے، جب ساری اپوزیشن, حکومت اور چیئرمین کے رویے کے خلاف احتجاجاً واک آؤٹ کر چکی تھی۔ عرفان صدیقی، قائد حزب اختلاف سے اجازت لے کر اکیلے ہاؤس میں آگئے اور کہا کہ ہمیں سب سے پہلے میڈیا سے اظہار یکجہتی کرنا چاہیے جس کی آزادی چھینی جا رہی ہے۔ اْن کے مطالبات اور تحفظات کا معاملہ متعلقہ کمیٹی کو دینا چاہئے۔ سینیٹر عرفان صدیقی نے کہا کہ میڈیا کے رپورٹرز نے علامتی واک آؤٹ کیا لیکن پورے ہاؤس کو اْن کے ساتھ اظہار یکجہتی کرنا چاہئے۔ سینیٹر عرفان صدیقی نے بھارتی ریاست کرناٹک کے شہر بنگلور کے حراستی مرکز میں پڑی پاکستانی لڑکی سمیرا اور اسکی چار سالہ بچی کا معاملہ اٹھاتے ہوئے کہا کہ یہ حکومتی بے حسی کا نہایت افسوس ناک مظاہرہ ہے۔ یہ بچی چار سال تک جیل میں رہی اسے کسی نے نہیں پوچھا جیل سے رہائی کے لئے ایک لاکھ جرمانہ بھی بنگلور کے لوگوں نے چندہ دے کر جمع کرایا لیکِن دلی میں موجود سفارتخانہ سویا رہا۔ عرفان صدیقی نے کہا کہ معاملہ سینیٹ میں آنے کے بعد بھی کسی کے کانوں پر جوں تک نہیں رینگی، نہ وزیر خارجہ ہاؤس میں آئے، نہ سیکرٹری خارجہ نے کچھ بتایا، نہ دفتر خارجہ کے کسی افسر نے اس کا نوٹس لیا نہ دلی میں پاکستانی سفارتخانے سے کوئی بیان جاری ہوا۔ سینیٹر عرفان صدیقی نے کہا کہ ہاؤس کو اس بے حسی کا نوٹس لینا چاہئے۔ پارلیمانی امور کے وزیر مملکت علی محمد خان نے یقین دلایا کہ حکومت اس ایشو کا فوری نوٹس لے گی اور ہاؤس کو آگاہ کیا جائے گا۔ سینیٹر انوار الحق کاکڑ نے بھی سینیٹر عرفان صدیقی کے مطالبے کی حمایت کی۔ اس پر چیئرمین سینیٹ محمد صادق سنجرانی نے رولنگ دی کہ وزارت داخلہ اور وزارت خارجہ، روزانہ کی بنیاد پر سمیرا کے بارے میں اٹھائے گئے اقدامات کی پراگریس رپورٹ سینیٹ سیکرٹریٹ میں جمع کرائیں۔
مقبول خبریں
راولپنڈی ٹیسٹ میں بھی اسپنرز کیلئے سازگار وکٹ بنانے کی کوشش کریں گے، سعود...
راولپنڈی (این این آئی)قومی ٹیم کے نائب کپتان اور مڈل آرڈر بلے باز سعود شکیل نے کہا ہے کہ ہم راولپنڈی میں انگلینڈ کے...
وفاقی وزیرداخلہ و انسداد منشیات محسن نقوی اہم دورے پر ترکیہ پہنچ گئے
اسلام آباد (این این آئی)ترکیہ کے صدر رجب طیب اردوان کی دعوت پر وفاقی وزیرداخلہ محسن نقوی اہم دورے پر ترکیہ پہنچ گئے۔ وہ...
توشہ خانہ ٹو کیس، ایف آئی اے نے بشریٰ بی بی کی درخواست ضمانت...
اسلام آباد (این این آئی)توشہ خانہ ٹو کیس میں وفاقی تحقیقاتی ادارے (ایف آئی اے) نے سابق وزیراعظم اور پاکستان تحریک انصاف کے...
چیف جسٹس قاضی فائز عیسیٰ چیمبر ورک پر چلے گئے، فیصلے تحریر کریں گے
اسلام آباد (این این آئی)چیف جسٹس پاکستان قاضی فائز عیسیٰ آج چیمبر ورک پر چلے گئے جہاں وہ چیمبرک ورک کے دوران فیصلے...
موجودہ حکومت کے ابتدائی 6ماہ کے دوران قرضوں میں 5ہزار 552ارب روپے کا اضافہ
اسلام آباد (این این آئی) اسٹیٹ بینک کی دستاویز کے مطابق موجودہ حکومت کے 6 ماہ میں نگران حکومت کی جانب سے لیے...