اسلام آباد (این این آئی)وزیرِ اعظم عمران خان کے معاونِ خصوصی برائے سیاسی روابط شہباز گِل نے کہا ہے کہ منڈی بہائوالدین میں واضح ہو گیا ہے کہ عوام مقصود چپڑاسی کو پہچان چکے ہیں،شہباز شریف اور بیٹے نے فردِ جرم سے بچنے کیلئے ہر بہانہ استعمال کیا مگر بکرے کی ماں کب تک خیر منائیگی، جلد لوٹ مار کا حساب دینا ہو گا۔ہفتے کو ایک ٹوئٹر بیان میں وزیرِ اعظم عمران خان کے معاونِ خصوصی برائے سیاسی روابط شہباز گِل نے کہا کہ شہباز شریف اور ان کے بیٹے نے فردِ جرم سے بچنے کیلئے ہر بہانہ استعمال کیا ہے۔انہوں نے کہا کہ بکرے کی ماں کب تک خیر منائے گی، جلد لوٹ مار کا حساب دینا ہو گا۔انہوں نے کہا کہ منڈی بہائوالدین میں واضح ہو گیا ہے کہ عوام مقصود چپڑاسی کو پہچان چکے ہیں۔
