اسلام آباد (این این آئی)سیکرٹری اطلاعات پیپلزپارٹی فیصل کریم کنڈی نے کہا ہے کہ فواد چودھری اور فرخ حبیب سلطنت نیازیہ کے مظلوم وزیر ہیں۔اپنے بیان میں فیصل کریم کنڈی نے کہاکہ جب بنی گالا میں پی ٹی آئی وزرا کی ذیادہ بے عزتی ہوتی ہے تو حزب اختلاف کے خلاف ذیادہ بولتے ہیں، پی ٹی آئی ممنوعہ فنڈنگ کے بعد عالمی چور کی صورت میں سامنے آئی ہے ۔ انہوںنے کہاکہ یورپ میں چوری کیئے گئے اے ٹی ایم سے رقم پی ٹی آئی کے اکاؤنٹ میں جمع ہوتی رہی۔ انہوںنے کہاکہ عمران خان کو مطلب پیسے سے چاہے بھارتی دے یا یہودی، سلیکٹڈ وزیراعظم کے خلاف عدم اعتماد کی تحریک آ رہی ہے۔ انہوںنے کہاکہ چیئرمین بلاول بھٹو زرداری کے عوامی مارچ سے قبل کٹھ پتلی حکومت کی بنیادیں ہل چکی ہیں۔
