نیویارک (این این آئی)پاکستان نے یوکرین بحران پر تبادلہ خیال کے لیے طلب کیے گئے اقوامِ متحدہ کی جنرل اسمبلی کے اجلاس میں شرکت نہ کرنے کا فیصلہ کیا ہے۔ سفارتی ذرائع نے بتایا کہ ‘پاکستان نے اس مسئلے پر کسی کی سائیڈ نہ لینے کا فیصلہ کیا ہے، اسلام آباد ایک پْرامن اور مذاکراتی تصفیے کی حمایت کرتا ہے۔ اس ہنگامی اجلاس سے 100 سے زائد ممالک کے نمائندوں نے خطاب کیا۔اجلاس میں فیصلہ کیا جائے گا کہ کیا امریکا کی پیش کردہ قرار داد کی حمایت کی جائے، جس میں روس سے فوری طور پر یوکرین سے فوجیں واپس بلانے کا مطالبہ کیا گیا ہے۔اقوامِ متحدہ میں یوکرین کے مندوب سرگی کیسلیٹسیا نے عالمی ادارے کو خبردار کیا کہ اگر یوکرین نہیں بچا تو اقوامِ متحدہ بھی نہیں بچے گی۔پولینڈ کے سفیر نے اجلاس میں بتایا کہ پولینڈ میں پناہ لینے والوں میں پاکستانی شہری اور طلبہ بھی شامل ہیں جنہیں پولش حکومت پناہ فراہم کررہی ہے۔خیال رہے کہ قرارداد برائے ‘امن کے لیے اتحاد’ کے نام سے معروف شق کے تحت 1950 سے اب تک اقوامِ متحدہ کی جنرل اسمبلی کے 10 ہنگامی اجلاس ہوئے ہیں۔یہ قرار دار جنرل اسمبلی کو اس وقت اہم معاملات پر غور کا اختیاردیتی ہے جب 5 مستقل اراکین میں اختلاف کے سبب سلامتی کونسل کام نہ کرسکے۔جنرل اسمبلی کے مباحثے کو عالمی ادارے کا دوسرا بہترین آپشن سمجھاجاتا ہے کیوں کہ اس کی قرادادیں سلامتی کونسل کی طرح ‘پابند’ نہیں ہوتی۔امریکا جس نے مباحثے کا آغاز کیا ہے، اس نے 25 فروری کو سلامتی کونسل سے رجوع کر کے ایک پابند قرار داد کی درخواست کی تھی لیکن روس نے اس کوشش کو ویٹو کردیا
مقبول خبریں
کشمیریوں نے 77سال پہلے آزادی کی جو شمع جلائی تھی اسے روشن رکھنا ہے،مشعال...
مظفرآباد(این این آئی) آزادکشمیر حکومت ریاست جموں وکشمیر کے 77ویں یوم تاسیس کی مناسبت سے کشمیر کلچرل اکیڈمی اور ٹیکنیکل ایجوکیشن اینڈ...
آزاد کشمیر کا ”یوم تاسیس” شایان شان طریقے سے منایا گیا
مظفر آباد(این این آئی)آزاد جموں و کشمیر کا 77 واں یوم تاسیس ملی جوش و خروش اوراس تجدید عہد کے ساتھ منایا...
کشمیری حق خودارادیت کیلئے ہر طرح کی قربانی دینے کو تیار ہیں،صدرآزادجموں وکشمیر
مظفرآباد(این این آئی)صدرآزادجموں وکشمیر بیرسٹرسلطان محمودچوہدری نے کہا ہے کہ آزادجموں وکشمیر کے عوام 77سال سے آزادی کی خوشی منارہے ہیں لیکن یہ...
امریکا یوکرین کو 20 ارب ڈالرز قرض دینے پر رضا مند
واشنگٹن (این این آئی)امریکا یوکرین کو 20 ارب ڈالرز قرض دینے پر رضا مند ہو گیا۔امریکی میڈیا کے مطابق یوکرین کو رقم روسی فیڈریشن...
حزب اللہ کا70اسرائیلی فوجیوں کو ہلاک کرنے کا دعوی
بیروت(این این آئی)حزب اللہ نے ایک ہفتے کے دوران 70 اسرائیلی فوجیوں کو ہلاک کرنے کا دعوی کیا ہے۔غیرملکی میڈیا کے مطابق حزب اللہ...