انقرہ (این این آئی)ترک وزیرخارجہ نے کہا ہے کہ یوکرین میں حالات خراب ہوتے جا رہے ہیں، اس میں اضافہ نہیں ہونا چاہیے۔میڈیا سے گفتگو کرتے ہوئے ترک وزیر خارجہ نے کہا کہ انقرہ اگلے ہفتے جنوبی ترکی میں روسی اور یوکرینی وزرائے خارجہ کو ڈپلومیسی فورم میں اکٹھا کرنا چاہتا ہے، لیکن یہ واضح نہیں کہ دونوں ممالک کے وزرا فورم میں شرکت کرسکیں گے یا نہیں۔ترک وزیرخارجہ نے کہا کہ بحر اسود سے جہازوں کی بحفاظت واپسی کیلئے ترکی روس سے فوجی سطح پر رابطے میں ہے۔انہوں نے کہا کہ ترکی کی فضائی حدود کو کھلا رکھنا انسانی امداد اور سٹرٹیجک وجوہات کیلئے اہم ہے۔
