اسلام آباد (این این آئی)پیپلز پارٹی کی سیکرٹری اطلاعات شازیہ مری نے کہا ہے کہ عمران خان کی بد کلامی اور بدتمیزی اسکی بوکھلاہٹ کا ثبوت دے رہی ہے ۔ اپنے بیان میں شازیہ مری نے کہاکہ گزشتہ روز عمران خان کی تقریر سے یہ واضح ہو گیا کہ سلیکٹڈ گھبرا چکا ہے، عمران خان کی بد کلامی اور بدتمیزی اسکی بوکھلاہٹ کا ثبوت دے رہی تھی۔ انہوںنے کہاکہ وزیر اعظم کا کام گالیاں دینا نہیں، لوگوں کی خدمت کرنا ہوتا ہے۔ انہوںنے کہاکہ عمران خان ایک ضدی، غیرذمہ دار اور بے حس شخص ہے، لاہور نے بھی سلیکٹڈ وزیر اعظم کو مسترد کر دیا۔ انہوںنے کہاکہ بلاول بھٹو عوام کی تکالیف کی بات کرتے ہیں اور کٹھ پتلی وزیر اعظم صرف گالیاں دیتے ہیں۔ انہوںنے کہاکہ عوام تو سلیکٹڈ وزیر اعظم پر بھر پور عدم اعتماد کا اظہار کر رہے ہیں، اب کچھ غیرت ہونی چاہئے۔
