اسلام آباد (این این آئی)تحریک انصاف کی دو اہم اتحادی جماعتوں پاکستان مسلم لیگ (ق) اور ایم کیو ایم کے متحدہ اپوزیشن کی قیادت آصف علی زر داری ، مولانا فضل الرحمن اور شہباز شریف سے معاملات طے پاگئے ہیں اور دونوں جماعتوں نے وزیر اعظم کے خلاف عدم اعتماد کی تحریک میں اپوزیشن کاساتھ دینے کا واضح عندیہ دیدیا ہے ، ایم کیو ایم کی خواہش پر پیپلز پارٹی ہونے والے تحریری معاہدے کے ضامن مولانا فضل الرحمن ، میاں شہباز شریف اور چوہدری برادران کو بنایا جائیگا جبکہ مسلم لیگ (ن)سے معاملات کو حتمی شکل دینے کیلئے قائد حزب اختلاف میاں شہباز شریف اور چوہدری برادران کے درمیان چند گھنٹوں میں ملاقات متوقع ہے ۔ با خبر ذرائع کے مطابق گزشتہ روز ایم کیو ایم کی قیادت کے مولانا فض الرحمن ، چوہدری شجاعت حسین اور پرویز الٰہی سے جو الگ الگ ملاقاتیں ہوئیں جس میں انہوںنے پیپلز پارٹی سے معاہدے کے نکات پر بات چیت کی اور اپنے مطالبات پیش کئے اور اس خواہش کا اظہار کیا کہ پیپلز پارٹی سے ہونے والے ممکنہ معاہدے کے ضامن مولانا فضل الرحمن ، میاں شہباز شریف اور چوہدری شجاعت حسین کو بنایا جائے جس پر اتفاق کیا گیا ۔ذرائع کا کہنا ہے کہ پیپلز پارٹی اور ایم کیو ایم کے درمیان تحریری معاہدے کے نکات پر مذاکرات جاری ہیں اور آئندہ چوبیس گھنٹوں میں آئندہ نتیجہ سامنے آسکتا ہے جبکہ مسلم لیگ (ن)اور مسلم لیگ (ق)کے درمیان معاملات کو آگے بڑھانے اور انہیں حتمی شکل دینے کیلئے میاں شہباز شریف کی قیادت میں مسلم لیگ (ن)کے وفد کی چوہدری برادران سے اہم ملاقات ہونے والی ہے ، دریں اثناء وفاقی وزیر ہائوسنگ اور مسلم لیگ (ق)کے سیکرٹری جنرل طارق بشیر چیمہ نے وفاقی وزیر اطلاعات فواد چوہدری کے اس دعویٰ کو انتہائی غلط اور خو د ساختہ قرار دیاہے کہ ق()کے تمام تحفظات دور کر دیئے ہیں انہوںنے کہاکہ اگر تحریک انصاف کی طرف فیصلے فواد چوہدری گنے کر نے ہیں تو تحریک انصاف کا اللہ ہی حافظ ہے ۔ ایک سوال پر انہوںنے کہاکہ ابھی ہم نے کوئی حتمی فیصلہ نہیں کیا آئندہ چوبیس گھنٹوں میں فیصلہ متوقع ہے اور تمام پارٹیوں سے رابطے ہیں۔
مقبول خبریں
وزیر اعظم محمد شہباز شریف سے سپیکر پنجاب اسمبلی ملک محمد احمد خان کی...
لاہور(این این آئی)وزیر اعظم محمد شہباز شریف سے سپیکر پنجاب اسمبلی ملک محمد احمد خان نے یہاں ملاقات کی اور ملک کی مجموعی...
آئیوری کوسٹ کو پاکستانی چاول سمیت متعددبرآمدات بڑھانے کے بہت زیادہ امکانات موجود ہیں،صدر...
اسلام آباد (این این آئی)صدر مملکت آصف علی زرداری نے آئیوری کوسٹ کے ساتھ اقتصادی اور ثقافتی تعلقات بڑھانے کی ضرورت پر زور دیتے...
مجھے سیالکوٹ نے جتنی عزت بخشی ہے میری نسلیں بھی اس کا احسان...
سیالکوٹ(این این آئی)وزیر دفاع خواجہ محمد آصف نے کہا ہے کہ مجھے اس شہر نے جتنی عزت بخشی ہے میری نسلیں بھی اس...
فیڈرل بورڈ آف ریونیو کی تنظیم نو کی جارہی ہے، وزیراعظم خود اعلان...
اسلام آباد (این این آئی)وزیر اطلاعات عطا اللہ تارڑ نے کہا ہے کہ فیڈرل بورڈ آف ریونیو کی تنظیم نو کی جارہی ہے، اس...
پاکستان میں میڈیا، صحافیوں کے ساتھ کیا ہوا، اِس پر کتابیں لکھی جاسکتی ہیں،...
اسلام آباد (این این آئی)سپریم کورٹ میں وفاقی تحقیقاتی ادارے (ایف آئی اے) کی جانب سے صحافیوں کو جاری نوٹسز سے متعلق کیس...