لاہور (این این آئی)نامورگلوکارشبنم مجید نے کہا ہے کہ گلوکاری نے مجھے جتنی عزت اور شہرت دی ہے میں نئے آنے والوں کی رہنمائی کر کے اس کا قرض اتارنا چاہتی ہوں، شبنم مجید نے کہا کہ اب نئے ٹرینڈ متعارف ہو رہے ہیں اور لوگ سوشل میڈیا پر منتقل ہو رہے ہیں اس لئے سب کو اس کی پیروی کرنا پڑے گی۔خصوصی گفتگو کرتے ہوئے گلوکارہ نے کہا کہ ہر دور میں تبدیلی آتی ہے لیکن ہر دور کا اپنا لطف ہے ، بہت سی نئی ماڈل کی جدید گاڑیاں آتی ہیں لیکن بہت سے لوگ ایسے ہیںوسائل ہونے کے باوجود اپنی پسند کی پرانی گاڑیوں کو انتہائی محبت سے سنبھال کر رکھتے ہیں کیونکہ وہ اپنے دور کو انجوائے کرنا چاہتے ہیں۔ انہوں نے کہا کہ مجھے فن گائیکی سے بڑا لگائو ہے اور اس نے مجھے جتنی عزت اور شہرت دی ہے اس کا مجھ پر قرض ہے ، میں نئے آنے والوں کی رہنمائی کر کے اور اس فن سے آگاہی دے کر اپنا قرض اتارنا چاہتی ہوں۔
