ابوظہبی(این این آئی)متحدہ عرب امارات کے وزیر خارجہ شیخ عبداللہ بن زاید آل نہیان نے کہا ہے کہ ان کا ملک عالمی توانائی کی سکیورٹی کو بہتربنانے کے لیے روس کے ساتھ تعاون کا خواہاں ہے۔میڈیارپورٹس کے مطابق اماراتی وزیرخارجہ نے اپنے روسی ہم منصب سرگئی لافروف کے ساتھ ماسکو میں مشترکہ پریس کانفرنس میں کہا کہ توانائی اور خوراک کی منڈیوں کے استحکام کو برقرار رکھنا ضروری ہے۔انھوں نے کہا کہ ہم یوکرین بحران کے حل کے لیے ثالثی کی تمام کوششوں کا خیرمقدم کرتے ہیں اور متحدہ عرب امارات پرامن حل کے مواقع سے فائدہ اٹھانے کے لیے فریقین کے ساتھ بات چیت کوتیار ہے۔
