اسلام آباد (این این آئی)پاکستان مسلم لیگ (ن) کے ڈپٹی سیکرٹری جنرل عطاء اللہ تارڑ نے وزیرمملکت اطلاعات فرخ حبیب اورملائکہ بخاری کے بیانات کو گھبراہٹ، ہڑبڑاہٹ اور نوکری ختم ہونے کا خوف قرار دے دیا ۔ اپنے بیان میں انہوںنے کہاکہ ”بے ضمیروں” کے ووٹ سے بننے والا ”وزیراعظم” کیسے’با ضمیر” ہوسکتا ہے؟ ،مہنگائی ، بے روزگای اور معیشت کی نیلامی کی وجہ سے ارکان چھوڑ گئے ۔ انہوںنے کہاکہ عمران صاحب اور ادھارے سیاسی یتیم روز لمبی لمبی چھوڑتے تھے، اس لئے اپنے ارکان بھی چھوڑ گئے ،نوٹوں کے الزامات لگانے والوں کو میڈیا نے سندھ ہائوس کی بھنڈی دکھا دی ۔ انہوںنے کہاکہ کرائے کے ترجمانوں، سیاسی یتیموں کا پٹ سیاپا اپنی نوکری چھن جانے کی وجہ سے ہے۔ انہوںنے کہاکہ مہنگائی، بے روزگاری سے روتے عوام کو نالائق، نااہل، کرپٹ اور جعلی حکمرانوں کی چیخیں سنائی نہیں دے رہیں ،عوام اب صرف عمران نیازی کی روانگی کی خبر سننا چاہتے ہیں۔
