اسلام آباد (این این آئی)وزیراعظم کے ترجمان و معاون خصوصی برائے سیاسی ابلاغ ڈاکٹر شہباز گِل نے کہا ہے کہ (ن )لیگ کے پاس ماسوائے چھانگا مانگا سیاست کے کچھ نہیں، انہوں نے ازل سے خرید وفروخت کے ذریعے اقتدار پایا۔ جمعہ کو شاہد خاقان عباسی کے بیان پر اپنے ردعمل میں انہوں نے کہا کہ نااہل لیگ کے پاس ماسوائے چھانگا مانگا سیاست کے کچھ نہیں۔ انہوں نے ازل سے خرید وفروخت کے ذریعے اقتدار پایا جو جمہوری روایات کے منافی ہے۔ ن لیگ کے قائد کی سیاسی سوچ ان کی پارٹی میں بھی پروان چڑھی۔ نااہل درباری نے ببانگ دہل ہارس ٹریڈنگ کا اعتراف کیا۔ انہوں نے کہا کہ ن لیگ میں اوپر سے نیچے تک ضمیر فروش بیٹھے ہیں،عوام کے ووٹوں سے نہ آنے والے ہی غیر جمہوری “قومی حکومت” کی بات کر سکتے ہیں۔
