لاہور( این این آئی)سابق وفاقی وزیر و رہنما تحریک انصاف حماداظہر نے کہا ہے کہ دیکھ رہا ہوں آئندہ چند ہفتے میں عام انتخابات کا اعلان ہو جائے گا،کیاہم کٹھ پتلی حکومت کیسامنے بیٹھ کرتقریریں کریں؟ ہم عوام میں نکلے ہیں اوراب عوام فیصلہ کریں گے آگے کیا ہونا ہے۔ایک انٹر ویومیں حماداظہر نے کہاکہ عمران خان کی کال پر عوام سڑکوںپر نکلی اوران کی آنکھوں میں غصہ تھا ،عوام چاہتے ہیں پاکستان اب بیرونی ایجنڈوں پرنہیں چلے گا ،امپورٹڈحکومت خود کہے گی انتخابات کرالیں ،صرف چند ہفتے انتظار کریں۔انہوں نے کہا کہ 11جماعتیں اکٹھی ہوئی ہیں جن کا نہ نظریہ اورنہ سوچ ملتی ہے ،ہم نے تازہ مینڈیٹ کامطالبہ کیاہے ،اسمبلی میں85 نشستوں والی پارٹی کو وزیراعظم کا عہدہ دیدیا گیا ،ان لوگوں کو پتہ ہے ابھی عوام میں گئے تو ضمانتیں ضبط ہوجائیں گی۔
