اسلام آباد (این این آئی)نندی پور پاور پلانٹ میں کرپشن کا کیس تحقیقات کیلئے ایف آئی اے کے حوالے کر دیا گیا ۔ وفاقی وزیر عمر ایوب کے مطابق مسلم لیگ (ن )حکومت نے فیول سپلائی کی ادائیگی کیلئے مخصوص 80 ارب روپے کو نندی پور پلانٹ کی تعمیر میں استعمال میں کیا ،پی ایس او کو 80 ارب روپے کی ادائیگی نہ کر کے نندی پور پاور پلانٹ کی تعمیر کی گئی ،انہوںنے بتایاکہ سیکریٹری پاور ڈویژن کو ہدایت کی ہے کہ معاملہ تحقیقات کیلئے ایف آئی اے کے حوالے کیا جائے،ایف آئی اے فیول ادائیگی کیلئے مختص رقم کی دیگر کاموں میں استعمال اور فرننس آئل کے نقصانات پر تحقیقات کرے گی ،انہوںنے کہاکہ یہ فنڈز کے غلط استعمال کا کیس ہے۔
