اسلام آباد (این این آئی)برطانوی ہائی کمشنر پاکستان ڈاکٹر کرسچن ٹرنر نے وزیر اعظم محمد شہباز شریف سے ملاقات کی جس میں دوطرفہ تعلقات پر گفتگو کی گئی ۔ہائی کمشنر نے شہباز شریف کو وزارتِ عظمی کا منصب سنبھالنے پر مبارکباد پیش کی اور برطانوی حکومت کی جانب سے نیک خواہشات کا اظہار کیا۔ وزیر اعظم نے برطانوی وزیر اعظم کا بورس جانسن کے مبارکبادی ٹویٹ پر اظہار تشکر کیا ۔وزیر اعظم نے کہا کہ پاکستان برطانیہ کے ساتھ اپنے تعلقات کو قدر کی نگاہ سے دیکھتا ہے ، جو وسیع پیمانے پر مختلف امور میں تاریخی روابط اور مشترکہ مفادات پر مبنی ہیں۔ وزیر اعظم نے بہتر تجارتی اور سرمایہ کاری کے تعلقات کی اہمیت اور تعلقات کو اسٹریٹجک سطح پر فروغ کی ضرورت پر زور دیا۔برطانیہ میں مقیم تقریبا ً1.6 ملین سمندر پار پاکستانیوں کے دونوں ملکوں کے مابین ادا کئے جانے والے پْل کے کردار کو اجاگر کرتے ہوئے وزیر اعظم نے قانونی ہجرت کے شعبے میں تعاون کو مستحکم کرنے کی ضرورت پر زور دیا تاکہ اس امر میں موجود استعداد کو بھرپور طریقے سے بروئے کار لایا جا سکے۔وزیر اعظم نے پاکستان میں تعلیم ، صحت اور دیگر سماجی شعبوں کو فروغ دینے کیلئے برطانیہ کے اقدامات کی بھی تعریف کی۔برٹش ہائی کمشنر نے وزیر اعظم کا شکریہ ادا کیا اور دوطرفہ تعاون کو مضبوط اور وسیع کرنے کیلئے پاکستان کے ساتھ مل کر کام کرنے کی خواہش کا اظہار کیا۔
مقبول خبریں
پیٹرول کی قیمت میں تقریباً 11روپے فی لیٹر تک کمی کا امکان
اسلام آباد (این این آئی)وفاقی حکومت نے 16 مئی سے پیٹرول اور ڈیزل کی قیمتوں میں بڑی کمی پر غور شروع کر دیا...
اسحاق ڈار بیجنگ پہنچ گئے،پانچویں پاک چین وزرائے خارجہ اسٹریٹجک ڈائیلاگ میں شرکت...
بیجنگ (این این آئی)نائب وزیراعظم و وزیر خارجہ محمد اسحاق ڈار چین کے دورے پر بیجنگ پہنچ گئے ہیں جہاں وہ پانچویں پاک چین...
وزیراعظم کی ڈاکٹر خالد مقبول صدیقی کو متحدہ قومی موومنٹ کا چیئرمین ...
اسلام آباد (این این آئی)وزیراعظم محمد شہباز شریف نے ڈاکٹر خالد مقبول صدیقی کو گزشتہ روز چیئرمین متحدہ قومی موومنٹ (پاکستان)منتخب ہونے پر مبارکباد...
وزیراعظم کا گندم بحران پر ایم ڈی پاسکو سمیت 2 افسران کو معطل کرنے...
اسلام آباد(این این آئی)وزیراعظم شہبازشریف نے گندم خریداری کے عمل میں ٹیکنالوجی کے استعمال کے حوالے سے ہدایات پر عمل نہ کرنے اور اس...
زہریلے کیمیکل کا استعمال، بھارتی غذائی اشیا پرعالمی پابندیاں عائد
نئی دہلی(این این آئی) بھارتی مصالحہ جات اور ڈارئی فروٹ پر غیر معیاری ہونے کے باعث عالمی سطح پر پابندی عائد کر دی گئی۔میڈیا...