اسلام آباد (این این آئی)پاکستان مسلم لیگ( ق) کے صدر چوہدری شجاعت حسین نے کہا ہے کہ مسجد نبویۖمیں پیش آنے والے واقعہ کی مذمت کرتے ہیں، حرم رسولۖمیں پیش آنے والا واقعہ افسوسناک ہے۔ایک بیان میں چوہدری شجاعت حسین نے کہا کہ مسجد نبویۖکے واقعہ سے پاکستان کی بدنامی ہوئی ہے، سعودی عرب میں مقیم پاکستانیوں کا امیج بری طرح متاثر ہوا۔انہوں نے کہا کہ شاہ زین بگٹی سے بد سلوکی کی گئی اور ان کے بال نوچے گئے، جنہوں نے یہ کیا وہ اپنے گھروں سے مبارکیں وصول کر کے یہاں آئے تھے۔انہوںنے کہاکہ سیاسی اختلافات اپنی جگہ لیکن مقدس مقامات کا احترام پامال نہیں ہونا چاہیے۔
