لاہور(این این آئی) وزیراعلی پنجاب حمزہ شہباز نے اوکاڑہ کے جانے مولا قبرستان میں بچی کی لاش کی بے حرمتی کے واقعہ کا نوٹس لیتے ہوئے کمشنر ساہیوال ڈویژن اور آر پی او ساہیوال سے واقعہ کے بارے میں رپورٹ طلب کر لی۔ وزیر اعلیٰ پنجاب حمزہ شہباز کا کہنا تھا کہ ایسے واقعات کی روک تھام کیلئے موثر اقدامات اٹھائے جائیں۔قبرستان میں لائٹس کا مناسب انتظام کیا جائے۔رات کے وقت قبرستانوں میں آنے جانے والوں پر کڑی نظر رکھی جائے۔
