اسلام آباد(این این آئی)صدر عارف علوی نے مبینہ حکومت تبدیلی سازش کی تحقیقات کیلئے جوڈیشل کمیشن کیلئے چیف جسٹس کو خط لکھ دیا ۔ جمعرات کو جاری اعلامیہ کے مطابق صدر مملکت نے کہاکہ مبینہ حکومت تبدیلی سازش کی تحقیقات اور سماعت کیلئے جوڈیشل کمیشن کی سربراہی ترجیحاً چیف جسٹس خود کریں۔ صدر مملکت نے کہاکہ ملک کو سیاسی و معاشی بحران سے بچانے ، صورتحال مزید بگڑنے سے روکنے کی ضرورت ہے ، ملک میں ایک سنگین سیاسی بحران منڈلا رہا ہے ۔ صدر مملکت نے اپنے خط میں کہاکہ حالیہ واقعات کے تناظر میں پاکستان کے عوام میں بڑی سیاسی تفریق پیدا ہورہی ہے ، تمام اداروں کا فرض ہے کہ ملک کو مزید نقصان اور بگاڑ سے بچانے کیلئے بھرپور کوششیں کریں۔ صدر مملکت نے کہاکہ افسوس کہ تبصرے سیاق و سباق سے ہٹ کر پیش کیے جا رہے ہیں، غلط فہمیاں بڑھ رہی ہیں، مواقع ضائع ہو رہے ہیں، کنفیوڑن پھیل رہی ہے، معیشت بھی بحران میں ہے۔ صدر مملکت نے کہاکہ سپریم کورٹ نے ماضی میں قومی سلامتی، سالمیت، خودمختاری اور مفاد عامہ کے معاملات میں عدالتی کمیشن تشکیل دئیے۔ صدر مملکت نے کہاکہ چیف جسٹس ناصر الملک کی سربراہی میں جوڈیشل کمیشن نے 2013 کے انتخابات میں دھاندلی کے الزامات کی انکوائری کی، میموگیٹ معاملے کی تحقیقات کے لیے جوڈیشل کمیشن قائم کیا گیا ۔ صدر مملکت نے کہاکہ لاپتہ افراد کے لیے ایک فعال جوڈیشل کمیشن موجود ہے، سربراہی سپریم کورٹ کے جج کررہے ہیں، رپورٹس کے مطابق وزیراعظم نے بھی کمیشن کے قیام کی خواہش کا اظہار کیا۔ صدر مملکت نے کہاکہ قوم سپریم کورٹ کا احترام کرتی ہے ، اپنی توقعات پر پورا اترنے کی امید کرتی ہے ، کمیشن کو معاملے کی تحقیقات قانون کی تکنیکی بنیادوں پر نہیں بلکہ انصاف کی اصل روح کے مطابق کرنی چاہیے۔ صدر مملکت نے کہاکہ یہ ہمارے ملک کی بہت بڑی خدمت ہو گی ، پاکستانی عوام قومی اہمیت کے معاملے پر وضاحت کی مستحق ہے ، عالمی تاریخ میں سازشوں کے ذریعے حکومت کی تبدیلی کی کارروائیوں کی بے شمار مثالیں موجود ہیں
مقبول خبریں
صدرِ مملکت نے پریکٹس اینڈ پروسیجر آرڈیننس پر دستخط کر دئیے
اسلام آباد (این این آئی)صدرِ مملکت آصف علی زرداری نے پریکٹس اینڈ پروسیجر آرڈیننس پر دستخط کر دیے۔اس سے قبل وزیرِاعظم شہباز شریف...
محسن نقوی کا جنوبی و شمالی وزیرستان میں فتنہ الخوارج کے 12 دہشتگردوں کو...
اسلام آباد (این این آئی)وفاقی وزیرداخلہ محسن نقوی نے جنوبی و شمالی وزیرستان میں فتنہ الخوارج کے 12 دہشتگردوں کو جہنم واصل کرنے پر...
دنیا کے نایاب ترین ممالیہ انڈس ڈولفن کی تعداد میں اضافہ انتہائی خوش آئند...
اسلام آباد (این این آئی)چیئرپرسن سینیٹ قائمہ کمیٹی برائے ماحولیاتی تبدیلی سینیٹر شیری رحمان نے انڈس ڈولفن کی تعداد میں اضافے کے حوالے سے...
بلاول بھٹو زر داری کا شہید میر مرتضیٰ بھٹو کو ان کے یومِ شہادت...
اسلام آباد (این این آئی) پاکستان پیپلز پارٹی کے چیئرمین بلاول بھٹو زرداری نے شہید میر مرتضیٰ بھٹو کے یوم شہادت پر اپنے...
وزیراعظم شہباز شریف سے چین کے روئیی گروپ کی وفد کی ملاقات
اسلام آباد (این این آئی)وزیرِ اعظم محمد شہباز شریف نے کہا ہے کہ چین ہر مشکل وقت میں پاکستان کے ساتھ کھڑا رہا ہے...