گلگت (این این آئی)وفاقی مشیرِ امورِ کشمیر و گلگت بلتستان قمرزمان کائرہ نے کہاہے کہ گلگت بلتستان کی تعمیر و ترقی کے لئے تحریک انصاف کی حکومت کا خاتمہ ضروری ہے۔ انہوں نے یہ بات گلگت میں میڈیا سے گفتگو کرتے ہوئے کہی ۔ قمر زمان کائرہ نے کہا کہ عبوری آئینی صوبہ پیپلزپارٹی کے منشور کا حصہ ہے اس پر عملدرآمد کے لئے عملی اقدامات اٹھائیں گے۔ انہوں نے کہا کہ گلگت بلتستان کی تعمیر و ترقی کے لئے فیڈرل پی ایس ڈی پی کے تمام منصوبوں کی بروقت تکمیل کے لئے اقدامات کئے جائیں گے۔قمر الزمان کائرہ نے کہا کہ گلگت بلتستان کو اعلی معیار کی گندم فراہم کریں گے۔ سوست بارڈر دوطرفہ تجارت کے لئے کھولنے کے حوالے سے جلد اقدامات اٹھائے جائیں گے۔انہوں نے کہا کہ صدر عارف علوی حزبِ اختلاف کا کردار ادا کر رہے ہیں اور ان کا رویہ آئین اور اداروں کے خلاف ہتک آمیز ہے۔ وفاقی مشیر نے کہا کہ ششپر گلیشئر کے متاثرین اور متاثرین روندو کی آباد کاری کے حوالے سے وفاقی حکومت ہر ممکن اقدامات کرے گی۔ گلگت بلتستان کے گورنر کے حوالے سے بھی بہت جلد فیصلہ کیا جائے گا۔انہوں نے کہا کہ بہت جلد گلگت بلتستان کے تمام اضلاع کا فوری دورہ کروں گا۔ اس موقع پر قائد حزب اختلاف گلگت بلتستان اسمبلی و صوبائی صدر پیپلز پارٹی گلگت بلتستان امجد حسین ایڈووکیٹ اور سابق وزیر اعلی مہدی شاہ سمیت پیپلز پارٹی کے اراکین اسمبلی بھی ان کے ہمراہ تھے۔
مقبول خبریں
حالیہ دہشت گردی کے واقعات کے بعد نیشنل ایکشن پلان کا از سر نو...
اسلام آباد (این این آئی)وفاقی وزیر اطلاعات مریم اورنگزیب نے کہاہے کہ حالیہ دہشت گردی کے واقعات کے بعد نیشنل ایکشن پلان کا...
آئی ایم ایف کیساتھ مثبت بات چیت جاری ہے،بہت جلد معاشی صورتحال میں تبدیلی...
اسلام آباد (این این آئی)وزیر خزانہ مفتاح اسماعیل نے کہا ہے کہ آئی ایم ایف کیساتھ مثبت بات چیت جاری ہے،بہت جلد معاشی...
عمران نیازی اہم شخصیات کی کردار کشی کرتے ہے،احسن اقبال
اسلام آباد (این این آئی)وفاقی وزیر برائے منصوبہ بندی، ترقی و اصلاحات و خصوصی اقدامات احسن اقبال نے کہا ہے کہ عمران نیازی...
سوئی اور ڈیرہ بگٹی کے عوام کو بنیادی سہولیات کی فراہمی کیلئے اقدامات کئے...
اسلام آباد/ڈیرہ بگٹی(این این آئی)وفاقی وزیر برائے انسداد منشیات نوابزادہ شاہ زین بگٹی نے کہا ہے کہ سوئی اور ڈیرہ بگٹی کے عوام کو...
وفاقی وزیر داخلہ کی زیر صدارت اجلاس ،امن وامان کی سکیورٹی کے حوالے سے...
اسلام آباد (این این آئی) وفاقی وزیر داخلہ رانا ثناء اللہ کی زیر صدارت اہم اجلاس ہوا جس میں امن وامان اور پاکستان...