اسلام آباد (این این آئی) وزیر اعظم شہباز شریف نے کہا ہے کہ موجودہ حکومت کی ترجیح پورے پاکستان کی اجتماعی ترقی کیلئے سب کو ساتھ لیکر چلنا ہے۔وزیرِ اعظم شہباز شریف سے عوامی نیشنل پارٹی کے صوبائی صدر خیبر پختونخوا ایمل ولی خان نے ملاقات کی جس میں وفاقی وزیرِ اقتصادی امور و سابق سپیکر قومی اسمبلی سردار ایاز صادق بھی شریک ہوئے ،ملاقات میں موجودہ ملکی سیاسی صورتحال پر گفتگو کی گئی ۔ وزیر اعظم نے کہاکہ ملکی بقاء اور ترقی کیلئے سب کو مل کر کام کرنا ہے۔ایمل ولی خان نے وزیرِ اعظم کو ڈیرہ اسماعیل خان کے جنگلات میں آگ پر فوری نوٹس اور کامیاب آپریشن پر خراجِ تحسین پیش کیا۔
