اسلام آباد (این این آئی)وزیر داخلہ رانا ثناء اللہ خان نے پاکستان کو ناقابل تسخیر بنانے پر محمد نواز شریف کے جراتمندانہ فیصلے کوسلام پیش کرتے ہوئے کہاہے کہ ڈالرز کی پیشکش کوٹھکراتے ہوئے ایٹمی دھماکے کرکے ملکی خودداری کا فیصلہ تو میاں نواز شریف نے آج کے دن کردیاتھا،ہم نے پاکستان کو ایٹمی طاقت بنایا تھا، اسے معاشی طاقت بھی ہم ہی بنائیں گے۔وزیر داخلہ رانا ثناء اللہ نے یوم تکبیر پر اپنے پیغام میں کہاکہ یوم تکبیر پر پوری پاکستانی قوم کو مبارکباد پیش کرتا ہوں۔ انہوںنے کہاکہ چوہیس سال قبل آج ہی کے دن ہم نے یہ ثابت کیا کہ پاکستان ایک ایٹمی قوت ہے۔انہوںنے کہاکہ پاکستان کو ناقابل تسخیر بنانے پر میاں نواز شریف کے جراتمندانہ فیصلے کوسلام پیش کرتا ہوں۔انہوںنے کہاکہ وقت نے ثابت کیا کہ ایک دلیر سیاسی قیادت ہی ملکی مفاد کیلئے دلیرادانہ فیصلے لیتی ہے۔انہوںنے کہاکہ ڈالرز کی پیشکش کوٹھکراتے ہوئے ایٹمی دھماکے کرکے ملکی خودداری کا فیصلہ تو میاں نواز شریف نے آج کے دن کردیاتھا۔انہوںنے کہاکہ وقت نے یہ بھی ثابت کیا کہ پاکستان ایک انتہائی ذمہ دارایٹمی قوت ہے۔انہوںنے کہاکہ پاکستان کے ایٹمی طاقت ہونے پر پوری مسلم اْمّہ بھی فخر کرتی ہے،الحمداللہ ہم نے پاکستان کو ایٹمی طاقت بنایا تھا، اسے معاشی طاقت بھی ہم ہی بنائیں گے۔
