نیویارک(این این آئی)اقوام متحدہ کی دوفوڈ ایجنسیوں فوڈ اینڈ ایگریکلچر آرگنائزیشن (ایف اے او)اور ورلڈ فوڈ پروگرام (ڈبلیو ایف پی)نے پوری دنیا میں خوراک کے متعدد بحرانوں کے بارے میں سخت انتباہ جاری کیا ہے۔میڈیارپورٹس کے مطابق ”ہنگر ہاٹ اسپاٹس، شدید غذائی عدم تحفظ پر ایف او ڈبلیو،ڈبلیو ایف پی کے ابتدائی انتباہات”کے عنوان سے اپنی مشترکہ رپورٹ میں فوڈ ایجنسیز نیغذائی بحران سے شدید متاثرہ علاقوں کی مدد کے لیے فوری انسانی بنیادوں پر کارروائی کا مطالبہ کیا ہے جہاں اگلے چند ماہ میں صورتحال مزید خراب ہونے کا خدشہ ہے۔رپورٹ میں ایتھوپیا، نائیجیریا، جنوبی سوڈان، یمن، افغانستان اور صومالیہ کو سنگین صورتحال کا سامنا کرنے والے ممالک میں شمار کیا گیا، اس میں کہا گیا کہ ان ممالک میں تقریبا ساڑھے 7 لاکھ افراد کو بھوک اور اموات کا سامنا ہے۔ڈبلیو ایف پی کے ایگزیکٹیو ڈائریکٹر ڈیوڈ بیسلے نے کہا کہ غریب ترین آبادی کو نقصان پہنچنے کے ساتھ ساتھ خوراک کے عالمی بحران سے لاکھوں خاندانوں کے متاثر ہونے کا خطرہ ہے جو تاحال اس سے محفوظ ہیں۔انہوں نے مزید کہا کہ سری لنکا، انڈونیشیا، پاکستان اور پیرو میں پہلے سے جو کچھ ہو رہا ہے وہ مستقبل کے بڑے خطرات کی عکاسی کرتا ہے۔
