کوئٹہ(این این آئی)بلوچستان کے علاقے ژوب میں قومی شاہراہ پر قلعہ سیف اللہ کے قریب مسافر بس سینکڑوں فٹ گہری کھائی میں گر گئی واقعے میں 22 افراد جاں بحق اور ایک بچہ زخمی ہوگیا۔ضلع کے ڈپٹی کمشنر حافظ محمد قاسم نے بتایا کہ بس میں تقریبا 23 افراد کے ہمراہ لورالائی سے ژوب کے لیے روانہ ہوئی تھی۔انہوں نے کہا کہ بس اخترزئی کے قریب پہاڑی کی چوٹی سے گری اور اس میں سوار 22 مسافر حادثے میں جان کی بازی ہار گئے۔ ریسکیو 1122 حکام نے کہا ہے کہ حادثے میں ایک کمسن لڑکا زخمی ہوا ہے جسے طبی امداد کے لیے کوئٹہ بھیجا جا رہا ہے۔انہوں نے مزید کہا کہ تمام جاں بحق مسافروں کی لاشوں کو قلعہ سیف اللہ ضلعی ہیڈ کوارٹر ہسپتال منتقل کر دیا گیا ہے، جاں بحق ہونے والوں میں 5 بچے، 5 خواتین اور 11 مرد شامل ہیں۔ڈی سی نے کہا ہے کہ علاقے میں واقع ہسپتالوں میں ایمرجنسی نافذ کردی گئی ہے اور ریسکیو آپریشن کیلئے کوئٹہ سے ٹیمیں طلب کی گئی تھی۔
