اسلام آباد (این این آئی)ڈسٹرکٹ ریٹرننگ افسر اسلام آباد علیم شہاب نے کہا ہے کہ 31 جولائی کو اسلام آباد کے بلدیاتی انتخابات کیلئے ضابطہ اخلاق جاری کر دیا گیا ، پینا فلیکس، جلسے جلوس، کار ریلیاں اور اسلحہ لہرانا ضابطہ اخلاق کی خلاف ورزی ہو گا، تمام امیدوار ضابطہ اخلاق پر عملدرامد یقینی بنائیں۔ میڈیا سے گفتگو تے ہوئے انہوں نے کہاکہ اسلام آباد کے بلدیاتی انتخابات کیلئے 400 سے زائد کاغذات نامزدگی جمع ہو چکے، امیدواران کیلئے ضابطہ اخلاق جاری ہو چکا ہے۔ انہوں نے کہاکہ تمام امیدوار اس ضابطہ اخلاق پر عمل کریں، پینا فلیکس لگانے کی اجازت نہیں ہو گی، جلسہ جلوس کار ریلی سے اجتناب کیا جائے۔ ڈی آر او نے کہا کہ ہوائی فائرنگ، اسلحے کی نمائش کرنے والوں کے خلاف کارزوائی کی جائیگی،الیکشن کمیشن ضابطہ اخلاق کی خلاف ورزی قطعی برداشت نہیں کریگا۔ انہوںنے کہاکہ قانون پر عملدرآمد کو یقینی بنایا جائیگا۔ انہوںنے کہاکہ الیکشن کمیشن نے امیدواروں کو ڈور ٹو ڈور کارنر میٹنگ کی اجازت دی ہے تاہم وزرائ، مشیر، اسپیکر، ڈپٹی اسپیکر مہم میں حصہ نہیں لے سکتے
