اسلام آباد(این این آئی)سابق وزیر داخلہ شیخ رشید احمد نے کہاہے کہ اگر دھاندلی ہوتی رہی تو پاکستان میں انارکی پھیلے گی اور 17 جولائی کو بھی اگر پنجاب کے ضمنی الیکشن میں ایسا ہوا تو خون خرابا ہوگا۔کچہری میں میڈیا سے گفتگو کرتے ہوئے شیخ رشید نے کہا کہ لاہور اور فیصل آباد کے ضمنی انتخاب میں بہتر انتظامات ہونے چاہیے کیونکہ گزشتہ روز بھی سندھ میں انتخابات کے دوران دو افراد انتقال کر گئے۔شیخ رشید نے کہا کہ ایم کیو ایم نے کہا کہ گزشتہ روز سندھ کے انتخابات میں بیلٹ باکسوں کو اٹھا کر لے کر گئے ،نواب شاہ میں پریزائیڈنگ افسران کو بھی اٹھا کر لے گئے۔سابق وزیر داخلہ نے کہ اکہ عالمی سازش سے عمران خان کے خلاف عدم اعتماد لایا گیا تاہم عمران خان کی سیاست عدم اعتماد تحریک اور سازش سے بڑی ہے۔ اس وقت 13 رکنی سازشی اتحاد حکومت میں ہے۔
